Patata Tropikala Antzerki Laborategia

Haurrentzako eta familientzako antzerkian ibilbide luzea duen konpainia da, 18 urtez eszenatokietan eta sortutako 15 obra baino gehiagotan bermatua. Bere talde artistikoa Lecoq metodotik dator, keinu- eta sorkuntza-antzerkian oinarritutako prestakuntza da, non gorputzak, mugimenduak eta irudimenak funtsezko papera betetzen dute narrazio eszenikoan.

Entretenimenduaz haratago, Patata Tropikalek gizarte-gaiekin konprometitutako antzerkiaren aldeko apustua egiten du, haurtzarotik gertuko ikuspegitik. Bere ikuskizunek feminismoa, hezkidetza, ingurumena, harreman osasuntsuak eta genero-identitatea bezalako gaiak jorratzen dituzte, antzerkiaren magiaren bidez berdintasunaren, errespetuaren eta kontzientzia ekologikoaren balioak sustatuz. Estilo fresko, dinamiko eta bisualki zirraragarriarekin, konpainiak lan bakoitza adin guztietako publikoarentzat aberasgarria den esperientzia bihurtzen du.

Judith Poves

Antzerki ibilbidea Gasteizko Arte Eszenikoen Tailerrean hasi zuen (2003-2006), eta bertan antzerki zaletasunaz jabetu zen. Bartzelonako Studis de Teatre Nazioarteko Eskolan (2006-2008) Jaques Lecoqcen metodologian trebatzen da, non bere antzerki-oinarriak sendotzen dituen eta sorkuntzan, inprobisazioan eta mugimenduan oinarritutako lan-metodo bat garatzen duen. Madrilgo Nouveau Colombier Eskolan, larba eta adierazpen maskaren munduan sakontzen du. Mugimenduarekiko grinak hainbat dantzatan trebatzera eramaten du: Samba, Oriental, Orixas eta Bollywood. “Patata Tropikala Antzerki Laborategia” antzerki konpainiaren sortzaileetako bat izan zen 2009an, non gaur egun aktore, zuzendari eta gidoilari lanetan jarraitzen duen. Antzerki irakaslea da Pasaiako Badia Eskolan eta Donostiako Santo Tomas Lizeoan 2009tik.

Iker Echarri

Oso gaztetik antzerkiarekiko zuen jakin-minak, arte honetan trebatzera eraman zuen Gipuzkoako hainbat eskolatan, Pasaiako Antzerki Tailerra Miguel Galindorekin (1999-2002), Sakontze Ikastaroak Legaleón Teatro Konpainiarekin (2000-2005) eta Antzerkigintza Tailer Pedagogikoak Laví e Bel Antzerki Konpainiak emanak. 2006. urtean bere ibilbideari bira eman nahi izan zion, eta Bartzelonako Estudis de Teatre Nazioarteko Eskolan trebatu zen, Berty Tovíasek zuzenduta. Eskola horrek Jaques Lecoqc-en filosofia jarraitzen du eta bertan, sorkuntzan, mugimenduan eta esperimentazioan oinarritutako antzerkia aurkitu zuen. Interruptus Antzerki Taldearen sortzailea, zuzendaria eta aktorea. Patata Tropikala Antzerki Laborategia haurrentzako konpainiaren aktore, zuzendari eta sortzaileetako bat da. Antzerki irakaslea Donostiako Lizeo Santo Tomas, Lasarteko Kukuka eta Andoaingo eskoletan 2009tik.